FACE・LAZY DUO 手繪紋身貼
FACE・LAZY DUO 手繪紋身貼
【FACE】手繪紋身貼
心思思想試試紋身，但又怕後悔？今年27歲的Manyee，一直有紋身的念頭，她決定製作手繪紋身貼，一來可磨練自己的畫功，亦可隨時轉換各種圖案。她所設計的紋身貼除了像真度較高外，更可維持3至5天，比坊間的耐用，加上防水防汗防敏感，十分受年輕客人歡迎。
Manyee在美國聖荷西洲立大學主修動畫及插畫設計，去年8月，她回港從事動畫設計的工作，由於當時未能立即融入香港的生活環境，令她希望能從中找點突破，「我一直都好想紋身，平時有留意唔同嘅紋身圖案，我就諗可以用自己畫嘅畫嚟製作紋身貼。」
以深藍色作主調
今年9月，Manyee決定成立LAZY DUO，兼職賣自己設計的手繪紋身貼。現LAZY DUO推出的紋身貼有80款以上，包括字款及圖案，她坦言最初設計了3倍以上的數量，然後篩選出現時的款式，「我設計嘅紋身圖案以簡約為主，顏色暫時係單一嘅深藍色。我會將鹿、星星、夢幻等唔同元素組合成圖像，再加上圓形、三角形、樹枝、樹葉等紋身元素。多啲留意身邊人同事，就會有多啲靈感。」
製作上，Manyee參考過香港不同的紋身貼紙，發現大多都有明顯的透明膠邊，加上2至3日便會脫色，故她希望製作改良版本，「除咗想圖案嘅維持時間長啲外，我本身皮膚容易敏感，所以會着重防敏感同貼上皮膚嘅效果。」
Manyee身上有多個紋身，圖案全由她設計及繪畫，像真度比坊間的膠邊偽紋身貼紙高很多。
測試過40間公司
Manyee上網找不同的印刷公司，她先後測試過三、四十間公司印出來的紋身貼效果。「好多質素都好差，好似印得醜、像數低起晒格、偏色、貼紙太厚、1至兩日甩色等都有。?家我搵咗一間台灣公司幫我印，材料同油墨都有歐盟及美國國際安全標準，仲有敏感測試認證，透明邊又印得好貼近圖案，唔易穿崩，質素幾好。」
LAZY DUO出售的紋身貼售價由$35至$200不等，Manyee主要透過facebook、instagram、市集及網店pinkoi宣傳，客人以20至30歲為主，月賺約$4,000。「等自己嘅畫功再成熟啲，想去台灣或者外國學紋身，好想將自己嘅作品親手紋喺自己同客人身上。」
LAZY DUO出售的紋身貼售價由$35至$200不等，Manyee主要透過facebook、instagram、市集及網店pinkoi宣傳，客人以20至30歲為主，月賺約$4,000。「等自己嘅畫功再成熟啲，想去台灣或者外國學紋身，好想將自己嘅作品親手紋喺自己同客人身上。」
Manyee建議大面積的紋身貼紙可以貼在手臂、小腿及背部等地方。
LAZY DUO花系手繪風偽紋身貼 $45
Manyee表示字款紋身很受歡迎，適合貼於鎖骨及前臂。
LAZY DUO Impossible手寫文字偽紋身貼 $30
LAZY DUO Impossible手寫文字偽紋身貼 $30
Manyee用鉛筆畫好草圖後，還需用鋼筆勾線，再用電腦作最後調整。
Joel(客人)
覺得 Manyee 設計嘅紋身貼真係好似真嘅紋身一樣，效果好好。我都有諗過紋身，可以用紋身貼試咗效果先。我有養貓，所以今次揀咗個貓嘅紋身貼。
貼紋身貼步驟
選定想貼的位置後，便可以撕去貼紙面層的膠。
貼在已選定的位置後，用全濕的毛巾輕按約30秒。
撰文：霍芷晴
攝影：葉曉明
2016年01月02日